Qytetari gjen çantën me 7 mijë e 500 euro, e dorëzon në polici
![](https://fakteplus.net/wp-content/uploads/2024/07/Foto.jpg)
Policia e Kosovës ka njoftuar se një qytetar ka kthyer çantën që kishte gjetur me 7 mijë e 500 euro në të.
Çanta është dorëzuar sot në Nënstacionin Policor në Pozheran të Vitisë.
“Policia nëpërmjet rrugëve operative ka arritur që të identifikoj personin që i kishte humbur çantën dhe të njëjtit pas verifikimit në bazë të procedurave ligjore i është kthyer çanta me dokumentet dhe paratë.” – thuhet në njoftim.
Njoftim i plotë:
Sot me datën 11.07.2024 rreth orës 08:10 në Nënstacionin Policor në Pozheran një qytetar ka dorëzuar një qante të cilën e kishte gjetur. Në çantë kishte dokumente personale dhe para të gatshme në vlerë të përgjithshme prej shtatëmijë e pesëqind (7500) euro.
Policia nëpërmjet rrugëve operative ka arritur që të identifikoj personin që i kishte humbur çantën dhe të njëjtit pas verifikimit në bazë të procedurave ligjore i është kthyer çanta me dokumentet dhe paratë.
Duke çmuar këtë gjest human, të devotshëm dhe të ndershëm falënderojmë qytetarin e ndërgjegjshëm, po ashtu falënderojmë të gjithë qytetarët për bashkëpunimin dhe besimin e vazhdueshëm në Policinë e Kosovës.
![](https://ekonomiaonline.com/wp-content/uploads/2024/07/Foto-1_2024-07-11-074455_ofed.png)