Osmani takohet me Blinken në Washington: Aleanca me SHBA-të, një gurthemel për stabilitetin
![](https://fakteplus.net/wp-content/uploads/2024/07/Vjosa-Osmani-dhe-Antony-Blinken-scaled.jpg)
Presidentja Vjosa Osmani ka bërë të ditur se është takuar sot me sekretarin amerikan të Shtetit, Antony Blinken, gjatë vizitës së saj në Shtetet e Bashkuara të Amerikës.
Ajo, me anë të një postimi në rrjetin social Facebook, ka thënë se e ka falënderuar Blinkenin për pritjen dhe diskutimin e sotëm në Departamentin e Shtetit në Ëashington D.C., në kuadër të Samitit të NATO-s.
“Aleanca me SHBA-të nuk është vetëm një dëshmi e vlerave dhe parimeve tona të përbashkëta demokratike, por edhe një gurthemel për stabilitetin dhe prosperitetin global”, ka shkruar Osmani.