Nuk i lë vend imagjinatës, kështu u paraqit modelja e njohur shqiptare në Festivalin e Filmit të Kanës
Këto ditë në Kanë të Francës po zhvillohet Festivali Ndërkombëtar i Filmit.
Mes pjesëmarrësve të shumtë, prezentë në këtë event duket të jetë edhe modelja e njohur shqiptare, Aurela Hoxha.
Ajo u rikthye në këtë festival, në të cilin ka pasur rastin që të marrë pjesë edhe më herët.
E veshur me një fustan kryesisht me material transparent dhe një dekolte shumë të ekspozuar, bukuroshja Hoxha i la shumë pak vend imagjinatës.
Dorezat prej lëkure të gjelbra dhe flokët bionde të lëshuara lirshëm, e bënin Aurelën që të dukej edhe më tërheqëse në këtë paraqitje.
“Shumë ndjenjë e mirë të kthehem, faleminderit Festivali i Kanës që më patët mua”, shkroi bukuroshja shqiptare në mbishkrimin e disa fotografive të ndara me ndjekësit e saj në Instagram.
Aurela përndryshe ka tash e sa kohë që është larguar nga Shqipëria dhe ka nisur një jetë të re në Spanjë me partnerin e saj.
Vitin e kaluar, ajo gjithashtu është bërë edhe nënë për herë të parë.
