Miratohet marrëveshja për njohjen e patentë shoferëve me Kanadanë

Ministri i Punëve të Brendshme, Xhelal Sfeçla ka thënë sot në mbledhjen e qeverisë se kanë filluar procedurat për lidhjen e marrëveshjes për njohjen e patentë shofereve me shtetin e Kanadasë.

Sfeçla tha se kjo Marrëveshje vjen për lehtësimin e procedurave për qytetarët e Kosovës që jetojnë në Kanada.

Ai tha se deri tani qytetarët kosovarë u janë nënshkruar procedurave shtesë.

Ky vendim në qeveri u miratua me shumicë të votave.

Ministri Sfeçla poashtu njoftoi se kanë filluar procedurat për njohjen e patentë shoferëve edhe me Republikën e Turqisë.

Marrëveshja me Kanadanë dhe Turqinë vjen pas lajmit se edhe Gjermania do të i njeh patentë shoferët e Kosovës.

Ai u shpreh se kjo do të bëjë lehtësimin e procedurave për vozitje të qytetarëve që shkojnë në Turqi.