Konfirmohet për FaktePlus: Është plagosur këshilltari i Limajt, bëhet fjalë për një incident familjar
Është plagosur me armë zjarri Luan Maloku, këshilltar i kryetarit të Nismës Socialdemokrate Fatmir Limajt dhe poashtu anëtar i kësaj partie.
Burime të besueshme të Agjencisë së lajmeve e kanë konfirmuar këtë dhe kanë deklaruar se rasti ka të bëjë me një incident familjar.
“Po është plagosur. Ka të bëjë me një incident familjar”, ka bërë të ditur një burim për FaktePlus, që ka dashur të mbetet anonim.
Rastin e kanë konfirmuar edhe nga Policia e Kosovës.
“Me daten 17.12.2019 rrethe ores 17:00 kemi pranuar nje informate per nje person te plagosur me arme zjarri ne Veternik -Prishtine. Njesitet Policore iu kane pergjigjur rastit dhe kane dalur menjehere ne vendin e ngjarjes. Sipas informacioneve te para nga tereni viktima i plagosur menjehere eshte transportuar ne drejtim te QKUK, dhe gjendja shendetesore sipas stafit mjekesor eshte stabile, jashte rrezikut per jete. Njesitet policore jane duke kryer hetime intensive lidhur me rastin, perderisa jane edhe ne kerkim te te dyshuarit/ve. Per informata shtese ju informojm me kohe”, ka thënë Baki Kelani, zëdhënës i Policisë për FaktePlus.