Bahtiri kërkon që falja e Kurban Bajramit të bëhet në sheshin e Mitrovicës
![](https://fakteplus.net/wp-content/uploads/2018/08/auto_Agim_Bahtiri-21_qershor_2016a-Laura_Hasani1512816415.jpg)
Kryetari i Mitrovicës, Agim Bahtiri, ka kërkuar që falja e Kurban Bajramit të bëhet në sheshin e Mitrovicës.
Bahtiri përmes një postimi në Facebook, ka thënë që se si institucion komunal në bashkëpunim me degën e BIK-ut në Mitrovicë, janë të gatshëm t’i bëjnë gjitha përgatitjet e nevojshme që falja e namazit të Kurbam Bajramit të organizohet në sheshin e Mitrovicës.
Postimi i plotë i Bahtirit:
Pas lajmit të publikuar për ndalimin e faljes së namazit të Kurban Bajramit në xhamia, sot i jam drejtuar Myftiut të Bashkësisë Islame të Kosovës, Naim Tërnava, me kërkesë për shqyrtimin e mundësisë së lejimit të faljes në sheshin e Mitrovicës.
Pra, na si institucion komunal në bashkëpunim me degën e BIK-ut në Mitrovicë, jemi të gatshëm t’i bëjmë gjitha përgatitjet e nevojshme që falja e namazit të Kurbam Bajramit të organizohet në sheshin e Mitrovicës duke respektuar rekomandimet e IKShP-së për mbajtjen e distancës sociale prej 1.5 metra përmes vendosjes së pikave, bartjes së maskave dhe materialit dezinfektues.
Të dashur qytetarë të Mitrovicës, mendoj se kjo është edhe kërkesë e juaja dhe shpresoj të shqyrtohet seriozisht nga BIK-u.