Arrestohet i dyshuari për plagosjen e këshilltarit të Limajt
Policia e Kosovës e ka arrestuar personin i cili dyshohet se ka plagosur këshilltarin e Fatmir Limajt, Luan Maloku.
Rasti ka ndodhur sot në orët e pasdites në Veternik të Prishtinës
Arrestimin e të dyshuarit për FaktePlus e ka konfirmuar edhe zëdhënësi i Policisë së Kosovës, Baki Kelani. Ai tutje ka thënë se është konfiskuar edhe arma e cila dyshohet të jetë përdorur nga dorasi.
“Lidhur me rastin e plagosjes policia ka arrestuar një person të dyshuar, si dhe ka konfiskuar një armë zjarri e cila dyshohet të jetë përdorur në rastin në fjalë”, ka thënë Kelani.
FaktePlus nga burime të sigurta mori vesh se ishte një incident familjar që kishte çuar në plagosjen e Malokut.
Rastin e plagosjes e kishte konfirmuar edhe Policia.