Trump, pritshmëri të ulëta për bisedimet me Putin
15/07/2018, 18:44
Presidenti i SHBA, Trump është shprehur se ka pritshmëri të ulëta për bisedimet më Vladimir Putin.
Dy liderët do takohen në Finlandë të hënën.
Trump tha për CBS News se “asgjë e keqe” dhe “ndoshta disa të mira” do të dilnin nga takimi.
Ai tha gjithashtu se do të ngrejë çështjen e 12 rusëve të akuzuar për ndërhyrjen gjatë zgjedhjeve të vitit 2016 në SHBA, por nuk do kërkojë ekstradimin e tyre.
Por Rusia i ka mohuar akuzat.
Nuk ka marrëveshje ekstradimi midis Rusisë dhe SHBA.
Ka pasur thirrje në SHBA që Trump të anulojë takimin e tij me Putin lidhur me paditë.
