Halil Budakova: S’ka shqiptarë që para meje do të fitojë çmimin Oscar

Aktori Halil Budakova ditën e sotme ishte i ftuar në emisionin “Gjesi” ku u shpreh se një ditë do të sjellë çmimin Oscar në Kosovë.

Madje aktori tha se ai do jetë i pari që do bëjë një gjë të tillë.

“Nuk besoj që del shqiptar para meje që merr çmimin Oscar. Prej fëmijë kam lujt filma, dhe kam parë shumë, kam punuar tanë jetën. E falenderoj Zotin që kam arritur deri këtu, por e lus Zotin dhe ta fitojë, dhe të sjellë një çmim të mirë në Kosovë”, tha Budakova.

Ai gjithashtu akuzoi drejtorin e kinematografisë së Kosovës Arben Zharkun, si dhe Isa Qosjen dhe Jeton Neziraj, duke i quajtur njerëz të dobët dhe që s’kanë bërë asgjë.

Budakova u shpreh se do i kishte qitë në gjyq dhe i kishte dënuar me nga 20 vite burg.