Zyrtare: Sanchez mbetet tek Inter, Smalling te Roma
01/07/2020, 18:20
Manchester United ka konfirmuar se ka arritur marrëveshje me Inter dhe Romën, për vazhdimin e huazimit të Alexis Sanchez, respektivisht, Chris Smalling.
Dyshja këtë sezon kanë qenë pjesë e Serie A, me Sanchez që ka veshur fanellën e Interit, ndërsa Smalling të Romës.
Me marrëveshjen e re, Sanchez dhe Smalling do të jenë pjesë e skuadrave nga Serie A deri në përfundimin e sezonit 2019/2020.
Sanchez këtë sezon në fanellën e Inter është paraqitur në 12 ndeshje, duke shënuar një gol.
Në anën tjetër, mbrojtësi anglez ka regjistruar 23 paraqitje, me dy gola të shënuara.
