Zyrtare: Insigne arrin marrëveshje me Toronton
Sulmuesi i Napolit, Lorenzo Insigne ka nënshkruar një parakontratë për t’u bashkuar me Toronto FC në një marrëveshje katërvjeçare pasi kontrata e tij me klubin italian skadon në qershorin e këtij viti.
Insigne ndihmoi Italinë të fitonte Kampionatin Evropian në korrik dhe nënshkrimi i tij është një goditje e madhe për ekipin e MLS pasi disa klube evropiane u lidhën me sulmuesin 30-vjeçar, i cili ka 114 gola dhe 95 asistime për Napolin në të gjitha garat.
Insigne do ta përfundojë këtë sezon me Napolin, i cili është i treti në Serie A pas 20 xhirove, gjashtë pikë prapa liderit Inter, por që ka luajtur një lojë më shumë.
Gjatë tërë karrierës së tij, Insigne ishte pjesë e Napolit, ndërsa në fillimet e tij ishte i huazuar në ekipet si Cavese, Foggia dhe Pescara.