Vrasje e vjedhje e rëndë, Policia po kërkon këtë person

Policia e Kosovës, përkatësisht Drejtoria Rajonale e Pejës ka kërkuar bashkëpunimin e qytetarëve për të ndihmuar në arrestimin e Bashkim Sokolit I dyshuar për veprat penale “Vrasje në tentativë” dhe “vjedhje e rëndë”.

Policia ka kërkuar nga qytetarët se kushdo që ka informacion për vendndodhjen e personit të dyshuar, të lajmërojë Policinë e Kosovës apo të lajmërohet në stacionin më të afërt policor, përcjell FaktePlus.

Njoftimi i plotë i policisë:

Policia e Kosovës – Drejtoria Rajonale e Policisë në Pejë, bazuar në ligj për publikimin e fotos me shënime tjera të personit të kërkuar më Urdhëresë të Gjykatës Themelore Pejë, me qëllim lokalizimin dhe rrjedhimisht arrestimin e tij, lëshon: Kërkesë për bashkëpunim me qytetarët.

Personi i kërkuar është:

BASHKIM (Arif) SOKOLI i lindur me 17.10.1965 në Gjakovë.

I pandehuri është i kërkuar për veprat penale:

1- (një) rast për veprën penale “VRASJE NE TENTATIVË”

1- (një) rast për veprën penale “VJEDHJE E RËNDË”

Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.

Drejtoria Rajonale e Policisë në Pejë, çdo të Premte do të publikojë nga një ose më shumë persona në kërkim, për të cilët kërkohet ndihma e qytetarëve me qellim, sjelljen e tyre para drejtësisë.

Numrat e telefonit dhe adresat elektronike kontaktuese për të kontaktuar Policinë e Kosovës:

192 dhe 080019999 (pa pagesë)

039 432 327-Drejtoria Rajonale Pejë

E-mail adresa: [email protected]/FaktePlus