Vjen një lajm i mirë për kosovarët që u ka skaduar viza dhe ndodhen në Gjermani
21/04/2020, 19:59
Ambasada e Kosovës në Gjermani ka njoftuar se të gjithë qytetarëve të Kosovës të cilët qëndrojnë në Gjermani dhe ju ka skaduar viza kanë të drejtë të vazhdojnë qëndrimin e tyre deri më 30 qershor 2020.
“Me vendim të Ministrisë së Brendshme të Gjermanisë nënshkruar nga Ministri Seehofer, të gjithë shtetasit e huaj që janë në Gjermani me vizë Schengen- dhe kjo u ka skaduar – kanë të drejtë të qëndrojnë në deri me datën 30 Qershor 2020″, ka njoftuar Ambasada.
“Vendimi vlen edhe për shtetasit e Republikës së Kosovës që janë në këtë shtet”, thuhet në njoftimin e ambasadës.
