Vedat Muriqi kërkon më shumë kohë
Vedat Muriqi thotë se ka nevojë për kohë për të treguar veten te Lazio.
I lumtur për rikthimin te Kosova, për Supersport, duke folur për sfidën ndaj Shqipërisë, ku Dardanët humbën 2-1, Muriqi foli edhe për karrierën që sapo e ka nisur në Itali me fanellën e Lazios.
Ai tregon vështirësitë nëpër të cilat ka kaluar muajt e fundit andaj, kërkon kohë për ta parë në fushë Muriqin e Fenerbahçes.
“Ndihem mirë. Pata nja 2 muaj të vështirë në aspektin psikologjik. Kisha një lëndim muskulor, më pas erdhi Covidi, kështu që humba përgatitjet me Fenerbahcen dhe Lazion”, u shpreh ai.
“Ndihem disi më mirë, por kam nevojë për t’u ambientuar te Lazio, më nevojitet edhe pak kohë”. “U ktheva te goli me Kosovën pas një viti, rezultati nuk kishte rëndësi as për ne dhe as për Shqipërinë”.