Thaçi paraqitet para Speciales, nis konferenca e radhës për ecurinë e çështjes ndaj ish-krerëve të UÇK-së
10/05/2022, 10:31
Në Dhomat e Specializuara të Kosovës ka nisur konferenca e radhës për ecurinë e çështjes ndaj ish-krerëve të UÇK-s[, shkruan Reporteri.net.
Ish-presidentit Thaçi, konferencën e sotme është duke e ndjekur përmes lidhjes direkte.
Ai fillimisht është pyetur nëse e ka marrë aktakuzën e konfirmuar të ndryshuar të datës 29 prill, për çka Thaçi ka konfirmuar se po.
Përpos Thaçit, sot do të bëjnë paraqitjen e tyre edhe Kadri Veseli, Jakup Krasnqi dhe Rexhep Selimi.
Veseli do të paraqitet para Speciales në ora 11:15, Krasniqi në ora 14:00 dhe i fundit Selimi në ora 15:15.
Që të katërt akuzohen nga Gjykata Speciale për krime lufte.
