“Taksën ndaj Serbisë do ta mbrojmë me të gjitha mjetet demokratike”
Nënkryetari i Aleancës për Ardhmërinë e Kosovës, Pal Lekaj, ka paralajmëruar se partia e tij do ta kundërshtojë me të gjitha mjetet demokratike heqjen e taksës 100 për qind ndaj mallrave serbe.
Ai ka thënë për “Epoka e re” se zëvendësimi i kësaj takse me reciprocitet është veprim i pamenduar mirë.
Sipas tij, aplikimi i parimit të reciprocitetit do të jetë një lehtësi për Serbinë.
Ish-ministri Lekaj ka vlerësuar se aplikimi i reciprocitetit në raport me Serbinë dëmton qytetarët e Luginës së Preshevës.