Sulmohet baza ushtarake e forcave amerikane
Në Irak, u krye një sulm i njëkohshëm me raketë dhe me një mjet ajror pa pilot kundër bazës ajrore ushtarake Ayn al-Asad, ku ndodhen forcat e koalicionit ndërkombëtar të udhëhequr nga Shtetet e Bashkuara të Amerikës, transmeton Insajderi.
Sipas lajmeve të shtypit irakian, bazuar në burimet e sigurisë, një sulm i njëkohshëm me raketë dhe me një mjet ajror pa pilot është kryer në bazën ajrore ushtarake Ayn al-Assad, ku ndodhen forcat e koalicionit ndërkombëtar të udhëhequra nga SHBA.
Bëhet e ditur se sistemi i mbrojtjes ajrore në bazën ushtarake rrëzoi 2 dronë dhe 2 raketa të lëshuara, të cilat u neutralizuan në ajër.
Ndërkohë që nuk ka ende informacione se nga ku ka është bërë sulmi, bëhet e ditur se është vërejtur se forcat e sigurisë kanë nisur punën në rajon.