Suedia dhe Finlanda mund t’i bashkohen NATO-s në “dy muajt” e ardhshëm

Ambasadorja e SHBA-së në NATO ka thënë se aleanca ushtarake po përpiqet të përshpejtojë procesin për të siguruar që Suedia dhe Finlanda të bashkohen në “dy muajt” e ardhshëm.

Duke folur për Sky News, Julianne Smith tha se javët e fundit anëtarët e NATO-s janë “bashkuar për të provuar dhe shqyrtuar mënyra se si ata mund të reduktojnë afatet kohore që rrethojnë procesin” që do t’i bënte të dy vendet të pranohen në aleancën ushtarake.

Smith tha se procesi ka zgjatur më parë “mbi një vit”, por shtoi se “të gjithë aleatët janë dakord që ky proces duhet të përshpejtohet”.

“Idealisht, mendoj se do të donim ta shihnim të realizohej brenda disa muajsh. Ky është qëllimi”, tha ajo.