Sot do të bëhet falja e xhumasë nëpër xhamitë e Kosovës
Besimtarët myslimanë sot do të mund të flasin namazin e xhumasë pas mbi dy muajve prej kur xhamitë ishin bllokuar për shkak të paraqitjes së koronavirusit.
Myftiu Naim Tërnava, u ka bërë thirrje besimtarëve që faljen ta bëjnë duke respektuar udhëzimet e BIRK-ut dhe institucioneve shëndetësore në lidhje me ruajtjen e shëndetit publik.
Njoftimi i plotë:
Në kuadër të masave për tu mbrojtur nga rreziku i infektimit nga virusi Covid-19, Kryesia e Bashkësisë Islame të Kosovës gjegjësisht Kryetari i BIRK-ut Naim ef. Tërnava ka rekomanduar që komunat më të mëdha si Prishtina, Podujeva, Mitrovica, Ferizaj, Gjilani, Peja, Prizreni, Gjakova të do të falet edhe xhumaja e dytë ku imamët dhe xhemati njoftohen për këtë çështje.
Kjo bëhet në xhaminë qendrore të komunave si dhe ndonjë xhami tjetër që frekuentohet më shumë nga xhemati.
Myftiu Tërnava po ashtu ka kërkuar nga besimtarët që t’iu përmbahen udhëzimeve dhe rekomandimeve të BIRK- ut dhe institucioneve shëndetësore në lidhje me ruajtjen e shëndetit publik, nga virusi COVID-19, duke treguar kujdes kur të shkojnë në xhami duke ruajtur distancën sociale t’i vendosin maskat, të marrin abdes në shtëpi si dhe ka kërkuar që të moshuarit dhe ata me sëmundje kronike mos të frejuentojnë në xhami – që të ruajnë shëndetin e tyre si dhe të tjerët.
Ligjërata e së premtës nuk do të zgjasë më shumë se dhjetë minuta.