Si pritet të jetë formacioni i Shqipërisë ndaj Francës
Shqipëria pritet të futet në ndeshjen kundër Francës me disa ndryshime në formacion.
Edoardo Reja e di se do të ketë punë të vështirë ndaj kombëtares së Francës, e cila është kampione e botës, prandaj në kërkim të rezultatit pozitiv, ai pritet të bëjë disa ndryshime në vendosjen e skuadrës.
Skema e trajnerit italian pritet të jetë e njëjta, pra ajo 3-5-2-, por me disa ndryshime tek lojtarët.
Një nga më të mirët që ishte në fushën e blertë kundër Andorrës, Odise Roshi, pritet të përfundojë në stol, për t’i lënë vendin Lenjanit.
Dilema do të ketë edhe për pozitën e titullarit në portë. Strakosha pritet të kthehet në portë, duke lënë Berishën në stol. Kjo është pozita e vetme që Reja nuk ka zbuluar në stërvitje.
Formacioni sipas gazetës shqiptare ‘Panoramasport’.