Shtetet e Bashkuara të Amerikës paralajmërojnë studiuesit kundër studimit të lakuriqëve

Qeveria federale ka rekomanduar që të gjitha testimet në terren dhe hulumtimet që përfshijnë lakuriqët në Shtetet e Bashkuara të Amerikës të pezullohen gjatë pandemisë Covid-19.

Rekomandimi erdhi në një email të dërguar për të gjithë studiuesit që punojnë në projekte që lidhen me lakuriqët në Shtetet e Bashkuara të Amerikës, duke përmendur frikën se njerëzit mund të kalonin Sars-Cov-2 te kafsha.

Ka disa prova që njerëzit kanë aftësinë ta transferojnë virusin përsëri te speciet e tjera të kafshëve

Janë regjistruar infeksione pozitive në disa lloje kafshësh, përfshirë qen, mace dhe një tigër Malajan në kopshtin zoologjik të Bronx, për të cilin zyrtarët besojnë se është transmetuar nga një punëtor asimptomatik i kopshtit zoologjik.

Lakuriqët kanë qenë bartës të dokumentuar të qindra llojeve të tjera të koronaviruseve para se të zbulohej Sars-Cov-2, shkruan Daily Mail, megjithëse sistemet e tyre imunitare janë përshtatur për të toleruar virusin pa ndonjë efekt të keq.

Biologët kohët e fundit organizuan një takim për të diskutuar se si ata mund të funksionojnë për të kuptuar më mirë sesi Sars-Cov-2 prek lakuriqët dhe cilat masa paraprake të sigurisë do t’i lejonin ata të fillojnë përsëri studimet.