Shitësit i bllokohet koka në shkallë lëvizëse – VIDEO

Daily Mail ka publikuar një video të pazakontë, ku shihet se si një personit i ngujohet koka anash shkallëve lëvizëse në një qendër tregtare në Indonezi.

Burri i identifikuar si shitësi Rizki ishte përkulur anash shkallëve për t’u tallur me një shok që ndodhej në dyshemenë e qendrës tregtare “Mangga Dua Mall” në Xhakartë, sipas dëshmitarëve.

Kur shkallët filluan të lëviznin lart, ai dështoi që të largohej me kohë dhe koka i ngeci mes murit dhe rrethojës së shkallëve.