Shikoni çfarë ka postuar në Instagram rusja që u mposht nga Majlinda
Sporti thyen çdo barrierë e kalon çdo kufi.
Këtë më së miri e ka dëshmuar suksesi i kosovarëve ku do në botë, e aq më mirë i xhudistëve.
Dje, kampionia olimpike, Majlinda Kelmendi, ka mposhtur rusen, Natalia Kuziutina, duke e siguruar kështu medaljen e artë në Lojërat Evropiane që janë duke u mbajtur në Minsk 2019.
Pas marrjes së medaljeve, intonimit të himnit të Kosovës e ngritjes së flamurit në vendin që ende nuk e njeh Kosovën si shtet, kampionia së bashku me xhudistet e tjera ka bërë edhe një fotografi.
E humbjen nga Majlinda, siç duket e ka tejkaluar rusja Natalia Kuziutina.
Ajo fotografinë e përbashkët e ka postuar në Instagram Story.
Ndryshe, kjo medalja e parë e artë në histori të Kosovës në dy pjesëmarrjet në Lojërat Evropiane, ndërsa për Majlindën është titulli i katërt i kampiones së Evropës.
Garat e xhudos në Minsk shërbejnë edhe si Kampionate Evropiane.