SHBA dërgon mbi 200 raketa anti-ajrore në Ukrainë
Në fillim të këtij viti, SHBA-të i dhanë dritën jeshile vendeve baltike, përfshirë Lituaninë, Letoninë dhe Estoninë, për të dërguar armatime të prodhuara nga Amerika që kanë në Ukrainë, duke përfshirë Stingers. Por deri më tani administrata e Biden-it kishte frenuar që SHBA-ja t’i jepte Stingers direkt në Ukrainë, ndërsa ata kishin siguruar armë të tjera vdekjeprurëse.
Disa anëtarë të Kongresit kanë kërkuar prej muajsh që raketa shtesë Stinger të dërgohen në Ukrainë. Ukrainasit kanë bërë vazhdimisht lutje për më shumë armë nga SHBA, duke përfshirë armët kundërajrore dhe antitank.
Sekretari amerikan i Shtetit Tony Blinken u tha gazetarëve të mërkurën se në këtë kohë Ukraina është ende në gjendje të marrë “pajisje jetike ushtarake mbrojtëse” që i nevojiten.
Ka gjenerata të ndryshme të Stingers që prodhon SHBA dhe zyrtarët amerikanë kanë qenë të vetëdijshëm për mos ofruar modelin më të ri për ukrainasit në rast se ata bien në duart e rusëve që mund të vjedhin teknologjinë amerikane.
Në fillim të kësaj jave gjermani njoftoi se do të dorëzonte 1000 armë antitank dhe 500 raketa Stinger në Ukrainë, duke shënuar një ndryshim në qëndrimin e tij të mëparshëm për të mos dërguar armatime në Ukrainë në mes të kësaj krize.
NBC News ishte i pari që raportoi për dërgimin e Stingers të SHBA në Ukrainë.