Sa bën bërllok një kosovar gjatë vitit ?

Statistikat tregojnë se sasia e mbeturinave komunale të grumbulluara nga kompanitë rajonale të mbeturinave dhe operatorët ekonomik privatë të cilët merren me menaxhimin e mbeturinave komunale në Kosovë për vitin 2017,  ka qenë 409 781 tonë.

Të dhënat e vitit 2017 tregojnë se mesatarja e mbeturinave komunale të grumbulluara në Kosovë ka qenë 228 kg për banorë në vit.

Agjencia e Statistikave të Kosovës (ASK) ka publikuar  rezultatet e Anketës së Mbeturinave Komunale  2017.

Sipas këtij raporti, në Prishtinë dhe regjionin e sajë grumbullimi i mbeturinave  komunale ka qenë  0.64 kg /banorë/ditë, raporton FaktePlus.

Në regjionet  tjera  në Kosovës sasia e mbeturinave komunale të gjeneruara ka qenë  0.62 kg/ banorë/ ditë

Në Kosovë, mesatarja e mbeturinave të grumbulluara për banorë në ditë ka qenë 0.62 kg /mbeturina/banorë/ditë.

Gjithsej sasia e mbeturinave te deponuara ne deponitë regjionale për vitin 2017, ka qenë 409 781 tonë.

Në vitin 2017, nga sistemi i grumbullimit të mbeturinave komunale kanë qenë të mbuluara 84% e ekonomive familjare.

Të dhënat e këtyre deponive tregojnë se sasia më e madhe e mbeturinave të deponuara ka qenë në deponin e Mirashit në Prishtinë me 104.187 ton, ndërsa saisa më e vogël e mbeturinave të deponuara ka qenë në deponin në Banjska në Leposaviç, 4.030 ton. /FaktePlus