Rekord vdekjesh në SHBA, 1 mijë e 736 viktima vetëm ditën e fundit nga COVID-19
Rekord të zi ka shënuar SHBA sot pasi 1 mijë e 736 persona, si asnjë herë më parë humbën jetën prej COVID-19.
Sipas të dhënave të Universitetit Johns Hopkins, shifra e çon në 12,722 numrin e përgjithshëm të viktimave në SHBA.
SHBA-ja ka mbi 398,000 të infektuar me koronavirus, që është numri më i lartë në botë.
Rastet globale, ndërkaq, e kanë kaluar shifrën 1.4 milion.
Në një konferencë për media, presidenti amerikan, Donald Trump, tha se SHBA-ja mund të jetë duke arritur “majën e kurbës”.
Ai po ashtu tha se SHBA-ja mund të jetë në rrugë të duhur për më pak viktima sesa parashikohej.
Fillimisht, grupi punues i Trumpit ka thënë se rreth 240,000 njerëz mund të vdesin nga koronavirusi në SHBA.