Reali i hyn “fshesë” ekipit, për t’u përballur me koronavirusin largon 11 lojtarë

Trajneri i Real Madridit, Zinedine Zidane do të bëjë ndryshime të mëdha këtë verë, duke larguar shumë lojtarë.

Nga data 1 korrik, klubi mbretëror do të ketë më shumë se 37 lojtarë në dispozicion.

Këtu hyjnë 26 nga skuadra aktuale, dhe 11 të tjerë që kthehen nga huazimi.

Zidane në sezonin e ri dëshiron që në skuadër të ketë vetëm 25 lojtarë, kështu që ai pritet të bëjë një “spastrim” në ‘Santiago Bernabeu’, njofton Marca.

Në mesin e shumë emrave që do të larohen, mediet në Spanjë kanë veçuar Gareth Bale, James Rodriguez, Luka Joviq, Luka Modriq dhe Lucas Vasquez.