Ramush Haradinaj: Autostrada e Dukagjinit është punë e kryer
Kandidati për kryeministër nga ana e koalicionit AAK-PSD, Ramush Haradinaj, ka folur për projektin e Autostradës së Dukagjinit.
Në një tubim në qytetin e Pejës, Haradinaj ka thënë se autostrada që e lidh Pejën, Istogun, Deçanin, Gjakovën dhe Prizrenin është e nevojshme dhe ajo do të ndodhë.
Tutje Haradinaj ka thënë se çështja e ndërtimit të kësaj autostrade tanimë është e mbyllur.
Ka kohë që për këtë projekt është folur shumë. Kandidatë të shumtë për deputetë janë deklaruar pro ndërtimit të kësaj autostrade por nuk pajtohen me koston. Të shumtë kanë qenë ata që kanë deklaruar se kostoja e projketit është shumë e madhe.
Ndërkohë ka edhe të atillë që thonë se nëse autostrada është e mbyllur atëherë do të dëmtoheshin bizneset e shumta të cilat gjenden gjatë rrugës Pejë-Prizren.
Ministri në detyrë i Infrastrukturës, Pal Lekaj, në emisionin DPT te Fidani kishte thënë se projekti i autostradës është i përfunduar dhe nuk ka kthim prapa.
“I ka vdek nëna kësaj pune”, kishte thënë Lekaj.
