Provimet e janarit nisin nga sot në Universitetin e Prishtinës
Senati i Universitetit të Prishtinës “Hasan Prishtina”, ka njoftuar se nga sot fillon procesi i organizimit të provimeve të janarit në njësitë akademike të universitetit.
Bëhet e ditur se koha për paraqitjen e provimeve do të jetë e hapur në datat 4 dhe 5 shkurt 2019, kurse datat e mbajtjes së provimeve do të jenë nga 6 shkurt 2019 deri me 28 shkurt 2019 (përjashtim nga këto data bëjnë ditët e festave zyrtare).
“Si rrjedhojë e kësaj, obligohen dekanët e njësive akademike që të riorganizojnë datat e provimeve për javët e humbura, sipas specifikave të njësive përkatëse”, thuhet në komunikatën e Universitetit të Prishtinës. Po ashtu, është informuar se semestri veror për vitin akademik 2018-2019 në UP fillon me datë 25 shkurt.