Pritje të gjata në pikën kufitare në Merdare
Pritjet e gjata të mërgimtarëve nëpër pikë kalimet kufitare me Serbinë nuk kanë të ndalur. Sipas qytetarëve të cilët kanë dërguar foto të kolonave të gjata, në kufi janë duke pritur deri në një orë e gjysmë.
Ndërsa, sipas Qendrës Kombëtare për Menaxhimin Kufitar, në Merdare pritja për të dalë nga Kosova është rreth 1 orë, derisa kolona është e gjatë deri në 200 metra, transmeton gazeta blic.
Derisa në pikë kalimin kufitare Dheu i Bardhë pritja është deri në 10 minuta. Kufijtë tjerë të Kosovës me shtetet fqinje janë më pak të ngarkuar. /FaktePlus