Presidenti i FIA për gjendjen e Schumacher: E kam parë javën e kaluar, ai po lufton që bota ta shoh sërish
19/07/2020, 10:15
Kanë kaluar gjashtë vite e gjysmë që nga aksidenti i Michael Schumacher.
Tash e gjashtë vite e gjysmë, ikona e Formula 1, Michael Schumacher, është në gjendje koma, pas një aksidenti që pësoi gjatë skiimit.
Lidhur me situatën e ish pilotit të Ferrari ka folur presidenti i FIA, Jean Todt, që dikur drejtonte skuadrën e Ferrari.
“E kam parë Michael javën e kaluar”, ka thënë Todt.
“Ai po lufton. Shpresoj që bota ta shoh sërish atë. Kjo është për çfarë ai dhe familja e tij po punojnë”, ka shtuar presidenti i FIA.
Dita e fundit kur Schumacher paraqitej në publik ishte 29 dhjetori i vitit 2013.
