Policia konfirmon arrestimin e gruas me ferexhe e armë – asaj iu gjet drogë
Policia e Kosovës ka njoftuar edhe zyrtarisht për arrestimin e gruas, e cila e mbuluar me ferexhe e armë në dorë ishte parë në një rrugë të Prishtinës dhe kështu kishte tmerruar qytetarët.
Për këtë ngjarje të pazakontë e tmerruese që ka ndodhur orët e pasditës në Prishtinë raportoi Agjencia e Lajmeve FaktePlus dhe tashmë konfirmohet nga Policia.
Zyra për informim e Policisë së Kosovës njofton se gruaja në fjalë është arrrestuar.
“Sot, më 19.02.2020, në ora 14:53, policia është lajmëruar se një grua në rr. ‘Bajram BAHTIRI’ në Prishtinë mbante në dorë një armë. Policia ka shkuar në atë lokacion, ka hasur gruan, e njëjta pohon se ka pasur një revole lodër të cilën ia ka dhënë nipit të saj”, thuhet në përgjigjen e Policisë.
Arrestohet gruaja që doli rrugëve me ferexhe e armë dhe tmerroi qyetarët në Prishtinë
Tutje, Policia njofton se e ka kontrolluar veturën e gruas dhe në çantën e saj është gjetur një sasi e substancës narkotike, por jo edhe armë.
“Për gruan është iniciuar rasti ‘Posedim i substancës narkotike’, me aktvendim të prokurorit rasti vazhdon në procedurë të rregullt”, thuhet nga Policia. /FaktePlus
