Policia e Kosovës, mbështetur në urdhëresën e nxjerrë nga Prokuroria Themelore – Departamenti i Përgjithshëm, ka kërkuar bashkëpunim qytetar.

PK-ja ka shpallur në kërkim, Burim Strumcakun nga Abria e Epërme e Drenasit dhe Valon Morinën nga Çikativa e Vjetër, të dyshuar për implikim në veprat penale;

“Privim i kundërligjshëm i Lirisë” nga Neni 193 të KPRK-së,

“Lëndim i lehtë truporë” nga Neni 185 të KPRK-së, si dhe,

“Asgjësim apo dëmtim i pasurisë” nga Neni 321 të KPRK-së.

Me qëllim të zbatimit efikas të procedurës, Policia kërkon nga publiku i gjerë kontributin qytetar që me informacionet e tyre të ndihmojnë lokalizimin e vendndodhjes së të dyshuarve të shpallur në kërkim.

“Ne vlerësojmë lartë bashkëpunimin me komunitetin për një shoqëri pa krim, andaj presim që informacionet tuaja t’i kontribuojnë arrestimit sa më të shpejtë të tyre”, thuhet në njoftim.