Pesë të vrarë nga një sulm izraelit në qendër të Bejrutit
Të paktën pesë persona janë vrarë dhe tetë janë plagosur në një sulm ajror izraelit në një ndërtesë në qendër të Bejrutit, kanë thënë zyrtarët libanezë.
Blloku shumëkatësh në Bachoura ishte një qendër shëndetësore e lidhur me Hezbollahun, për të cilën ushtria izraelite tha se u godit nga një sulm “i saktë”, raporton BBC.
Ky është sulmi i parë izraelit afër qendrës së Bejrutit , vetëm disa metra larg parlamentit të Libanit. Pati pesë sulme të tjera ajrore gjatë natës kundër objektivave në periferinë jugore të Dahieh.
Sulmi vjen pasi Forcat e Mbrojtjes të Izraelit (IDF) thanë se tetë ushtarë ishin vrarë në luftime në Libanin jugor, humbjet e para që nga fillimi i operacioneve tokësore kundër grupit të armatosur Hezbollah të mbështetur nga Irani.
Hezbollahu ka thënë se kishte shkatërruar tanket izraelite gjatë luftimeve dhe këmbënguli se kishte mjaftueshëm njerëz dhe municione për të shtyrë forcat.
