Pesë gjërat kyçe që mund të përcaktojnë rrjedhën e mëtejshme të luftës në lindje të Ukrainës
Lufta në Ukrainë, në veçanti në një pjesë në lindje të vendit nga dita në ditë po bëhet çdo herë e më e rëndë, e analisti dhe korrespondenti i BBC-së, Jonathan Beale, ka analizuar se çfarë mund të vente në lëvizje gjërat në favor të njërës apo palës tjetër në këtë luftë.
Edhe pse sipas tij Rusia akoma është dominuese për faktin se ka ushtri më të fuqishme, ajo nuk ka arritur ta sigurojë as për së afërmi fitoren e shpejtë që e kishte planifikuar.
Për shkak të kësaj, në këtë fazë të luftës mund të flitet për disa momente kyçe që do të mund të vënin luftën në favor të njërës apo tjetrës palë, transmeton Telegrafi.
Fituesit dhe humbësit
Në veri të vendit, kundërsulmet ukrainase kanë arritur me sukses të zmbrapsin forcat ruse rreth Kharkivit. Në anën tjetër, Rusia në jug ka marrë kontrollin e plotë mbi qytetin port Mariupol.
“Ajo çfarë ka ndodhur në Mariupol dhe Kharkiv tregon shumë për këtë luftë. Shifrat e larta të humbjeve dhe fitoreve tani po përsëriten në lindje të vendit. Rusia po krijon një avancim shumë të vogël në Donbas. Megjithatë, edhe ajo po ballafaqohet me mossuksese, në veçanti kur janë shkatërruar qindra mjete të blinduara që tentuan të kalojnë lumin në veri të Donetskut”, thuhet në analizë.
“Përparësitë” e Rusisë
Në lindje të Ukrainës, armët dominuese në luftime janë pikërisht artileria. Ish-brigadieri i ushtrisë britanike Ben Barry ka deklaruar se pikërisht kjo artileri do të jetë kyçe në Donbas në periudhën e ardhshme.
“Ai parashikon që artileria do të jetë shkaku kryesor për viktima nga të dyja palët, gjatë javëve të ardhshme apo muajve. Zyrtarët perëndimor kanë theksuar humbje të konsiderueshme të rusëve”, thuhet ndër tjera.
Edhe pse Ukraina po merr armë të rënda nga Perëndimi, përfshirë ato amerikane M777, nuk ka arritur që plotësisht ta dëbojë Rusinë.
Taktika
Një segment tjetër i rëndësishëm në Donas është vetë taktika që përdorë njëra apo tjetër palë. Rusia përdor artilerinë e saj dhe raketahedhësit, për të “lidhur” forcat ukrainase që janë mbledhur dhe tejet mirë të përgatitura në linjën e parë mbrojtëse.
“Rusia po bën presion nga dy drejtime – nga Izumi në veri dhe perëndim rreth qytetit Donetskut. Kanë bërë një avancim të kufizuar në të dy drejtimet”, thekson analisti.
Gjithashtu, analistët ushtarak theksojnë sesi Rusia po tenton të shkatërrojë plotësisht forcat ukrainase në këtë rajon – duke i detyruar të koncentrojnë forcat në pikat kyçe, por deri më tani ata janë mbrojtur tejet mirë dhe rusët për asnjë moment nuk e kanë realizuar qëllimin.
“Forcat Frankenshtajn” të Rusisë
Edhe pse zyrtarët rusë pretendojnë se ky shtet nuk ka probleme me njësi ushtarake – ekspertët ushtarakë theksojnë sesi Rusisë i mungon dukshëm numri i ushtarëve që do të ishin të nevojshëm për avancim më të madh në lindje.
Kohezioni i njësive dhe morali brenda ushtrisë ruse për këtë arsye do të jetë shumë i dobët.
“Ekzistojnë shumë pak gjasa që grumbullimi i forcave në Kharkiv dhe Mariupol do të bëjnë ndryshimin. Rusisë akoma i mungon personeli, në veçanti këmbësoria. Rusia ka tentuar të rekonstruktoj dhe kombinojë disa prej njësive të saj të shkatërruara që edhe për shkak të kësaj quhen njësitë Frankenshtajn”, thuhet ndër tjera.
“Një vlerësim i fundit ministria britanike e Mbrojtjes e Britanisë së Madhe, tregon se komandantët rusë po ballafaqohen me presionin e madh që të realizojnë shpejt rezultate dhe për këtë sigurisht do t’i shpërndajë forca pa kurrfarë pajisje adekuate”, shkruan BBC.
Lufta e gjatë
Në fund të analizës, BBC thekson se askush nuk mendon se lufta në Ukrainë do të marrë fund së shpejti.
“Rusia po avancon shumë – madje tejet ngadalë. Pakkush beson se epilogu i luftës do të varet nga fuqia ushtarake”, thuhet në përfundimin e analizës së BBC.
