Përfshihet nga zjarri një rafineri e naftës në Indonezi

Një zjarr masiv ka shpërthyer në një nga rafineritë më të mëdha të naftës në Indonezi.

Të paktën 15 persona u lënduan teksa 1 mijë banorë u evakuuan nga vendi afër shpërthimit që ndodhi mëngjesin e kësaj të hëne, shkruan The Guardian.

Agjencia lokale e katastrofave tha se një person kishte vdekur nga një sulm në zemër pas shpërthimit.

Shkaku i zjarrit në rafinerinë “Balongan” ende nuk ishte i qartë, por kompania tha se zjarri shpërtheu gjatë një stuhie rrufeje.

Rafineria gjendet rreth 200 kilometra në lindje të kryeqytetit Xhakarta.