Pas Berishës, radhën për në Prokurori e ka Basha dhe Bardhi
14/01/2022, 8:33
Një ditë pas ish-kryeministrit Sali Berisha dhe deputetit Flamur Noka radhën për të dëshmuar në Prokurorinë e Tiranës e ka sot Lulzim Basha dhe Gazment Bardhi.
Kryetari i PD dhe Sekretari i Përgjithshëm do të merren në pyetje nga hetuesit për protestën e 8 janarit, të thirrur nga ish-kryeministri që degjeneroi në akte dhune.
Ata do të pyeten edhe për akuzat se brenda selisë blu ka pasur persona të armatosur dhe me precedent penal.
Basha e Bardhi do të pyeten edhe për dhunën me mjete të forta si dhe përdorimin e bombolave anti-zjarr nga personat që ndodheshin brenda, gjatë tentativës së protestuesve të Berishës për t’u futur në seli.
