Osmani: Vepra e delegatëve të Kongresit të Manastirit duhet të jetë udhërrëfyes për ne
Ushtruesja e detyrës së presidentes, Vjosa Osmani, ka kujtuar 112-vjetorin e Kongresit të Manastirit. Ajo ka thënë se kjo datë shënon njërën ndër ngjarjet më të rëndësishme të historisë kombëtare.
Ajo përmes një postimi në Facebook ka shkruar se Kongresi në thelb ishte ngjarje kulturore, porse më vonë u shndërrua në njërën ndër ngjarjet më të rëndësishme politike.
“Duke e unifikuar alfabetin, delegatët e tij e unifikuan popullin shqiptar rreth një identiteti të përbashkët dhe e riorientuan atë përfundimisht drejt kulturës e qytetërimit perëndimor, pjesë e të cilit qemë prej shekujsh”, ka shkruar ajo.
Osmani ka shkruar se vepra e delegatëve të Kongresit, për bashkimin e shqiptarëve rreth vlerave identitare dhe qytetërimit perëndimor, duhet të jetë udhërrëfyes i përhershëm.