Osmani: Sulmet me vezë nuk mund të na ndalin, që ta qojmë Kosovën përpara

Zëvendëskryeministri i parë i Kosovës, nga radhët e LDK-së, Avdullah Hoti sot është sulmuar me vezë.

E, ndaj këtij sulmi ka reaguar edhe kryetarja e Kuvendit të Kosovës, Vjosa Osmani.

Përmes, një postimi në profilin e saj në Facebook, Osmani ka aluduar në atë që personat që e kanë kryer këtë sulm kanë qenë njerëz të partive të cilët nuk po dëhsirojnë të hiqet taksa.

Ajo ka thënë se “tarifa nuk është çështje vezësh”.

Postimi i saj i plotë:

Tarifa nuk është çështje vezësh. Është konsensus e veprim shtetëror dhe bashkërendim me miqtë strategjik të Kosovës.

As sulmet me vezë e as me mjete të tjera nuk do të mund ta ndalin vendosmërinë tonë që ta qojmë Kosovën përpara./FaktePlus