OBSH: 10 për qind e popullsisë së botës mund të jenë infektuar me koronavirus
05/10/2020, 22:15
Kreu i OBSH-së për emergjencat Michael Ryan ka thënë se “vlerësimet tona aktuale na tregojnë se rreth 10 për qind e popullsisë së botës mund të jenë infektuar me koronavirus”.
Kështu është shprehur Ryan, në një takim të këshillit ekzekutiv në lidhje me koronavirusin.
Deri më tani infeksionet e konfirmuara janë rreth 35 milionë, por sipas OBSH-së ato mund të jenë 760 milionë, nga 7.6 miliardë e popullsisë.
“Fillon një periudhë e vështirë. Sëmundja vazhdon të përhapet, shumica e popullsisë mbetet në rrezik”- paralajmëroi ai.
