Numri rekord i rasteve me koronavirus, këto janë qytetet ku u shënuan ato sot
Sot në Kosovë janë regjistruar 195 raste me koronavirus, numri ky më i lartë që nga fillimi i përhapjes së pandemisë. Kështu numri total i të infektuarve ka shkuar në 3 mijë e 703.
Ndërkohë rekord ka shënuar edhe Prishtina. Atje janë shënuar 102 raste. 17 raste janë shënuar në Ferizaj kurse 11 në Fushë Kosovë.
“Rastet pozitive janë nga: komuna e Prishtinës 102 raste, komuna e Ferizajt 17 raste, komuna e Fushë Kosovës 11 raste, komuna e Gjakovës 10 raste, komuna e Gjilanit 8 raste, komuna e Prizrenit 7 raste, komuna e Deçanit 6 raste, komuna e Mitrovicës 5 raste, komuna e Drenasit 4 raste, komuna e Skenderajt 4 raste, komuna e Lipjanit 4 raste, komuna e Obiliqit 3 raste, komuna e Rahovecit 3 raste, komuna e Pejës 2 raste, komuna e Vushtrrisë 2 raste, komuna e Shtimes 2 raste dhe me nga 1 rast komunat: Graçanicë, Kaçanik, Kamenicë, Podujevë dhe Suharekë”, thuhet në njoftimin e IKSHP-së.
