Një i vdekur e disa të lënduar nga tornadot në SHBA
Në pjesën qendrore të Shteteve të Bashkuara të Amerikës, të premten vonë është goditur nga një stuhi e fuqishme e cila shkaktoi të paktën 19 tornado në pesë shtete.
Sipas gjykatësit të Qarkut Craighead, Marvin Day, një person vdiq dhe disa të tjerë u lënduan në Monette, Arkansas, pasi një tornado goditi një shtëpi të pleqve.
Zyrtarët lokalë kishin thënë më parë se dy persona vdiqën, por Day tha se mjekësia lokale ka përcaktuar që atëherë kishte vetëm një vdekje.
“Të gjithë janë nxjerrë nga shtëpia e të moshuarve dhe janë llogaritur. Ne kemi një qendër triazhi të ngritur në shkollën lokale ku njerëzit po trajtohen dhe të tjerët janë transportuar në spitalet lokale”, ka thënë kryetari i bashkisë së qytetit Bob Blankenship.
“Siguria dhe mirëqenia e punonjësve dhe partnerëve tanë është prioriteti ynë kryesor për momentin”, tha zëdhënësi i Amazon, Richard Rocha. “Ne po vlerësojmë situatën dhe do të ndajmë informacion shtesë kur të jetë i disponueshëm“, citohet të ketë thënë ai, shkruan The Guardian.
Në Tenesi, disa struktura u dëmtuan dhe një numër i panjohur njerëzish u bllokuan në Samburg, sipas shefit të policisë së qytetit të Unionit, Karl Ullrich.
Illinois, Missouri dhe Arkansas ishin ndër disa vende që raportuan stuhitë e tornados të pikasur ose në tokë. Më shumë se 55 milionë njerëz në mbarë vendin ishin në rrezik nga stuhitë e forta të premten.
