NISMA është gatshme të hyjë në zgjedhje
Në profilin e tij ne Facebook Endrit Shala, ka bërë një postim, në lidhje me gjendjen aktuale në Kosovë pas dorëheqjes së kryeministrit Haradinaj. Ai tregon se Nisma ka mbajtur mbledhjen e kryesisë me kryetarët e degëve dhe se është e gatshme të shkojë në zgjedhje.
Postimi i tij i plotë në Facebook:
Nisma Socialdemokrate ka mbajtur mbledhje me anëtarët e kryesisë dhe kryetarët e degëve të Nismës Socialdemokrate.
Në këtë takim është diskutuar për situatën e krijuar në vend pas dorëheqjes së kryeministrit të Kosovës, Ramush Haradinaj.
Nisma Socialdemokrate vlerëson se pas situatës së krijuar vendi është në prag të zgjedhjeve të parakohshme, prandaj Nisma është e gatshme të hyjë në këto zgjedhje.
Sa i përket ftesës nga Gjykata Speciale për kryetarin e Këshillit Kombëtar të Nismës Socialdemokrate, Jakup Krasniqi, kryetari Limaj ka thënë se ashtu siç ka ditur disa herë ta mbrojë pastërtinë dhe luftën e drejtë të Ushtrisë Çlirimtare të Kosovës, edhe këtë radhë z. Jakup Krasniqi do të dijë ta mbrojë luftën e drejtë të UÇK-së.
Kryetari Limaj ka shprehur bindjen e plotë se Kosova do ta kalojë me sukses edhe këtë sfidë dhe se drejtësia do të ngadhënjejë përballë shpifjeve.