Nga mbrëmë të shtrirë në QKUK, kjo është gjendja e dy personave të plagosur nga tentim-grabitja
Një tentim-grabitje e parave ka lënë të plagosur dy persona, dje në magjistralen Prishtinë-Gjilan, konkretisht në afërsi të Liqenit të Badovcit.
Cak i hajnave ishte vetura e një kompanie të sigurimit e cila transportonte para, ku dy punëtorët e së cilës mbetën të plagosur.
Për gjendjen e tyre shëndetësore kanë folur për FaktePlus nga Qendra Klinike Universitare e Kosovës. Nga QKUK theksojnë se gjendja e të plagosurve është jashtë rrezikut për jetë ku njëri prej tyre po trajtohet në Intenzivë.
Sipas Zyrës për Informim brenda QKUK-së po ashtu theksohet se për momentin gjendja e tyre është stabile.
“Zyra për informim ju njofton se njëri nga të plagosurit është në intensive, pas intervenimit kirurgjik nga kirurget torkal. Sipas mjekëve për momentin ka gjendje stabile. Ndërsa aktualisht tjetri është në kirurgji torakale, i cili po vazhdon trajtimin jashtë rrezikut”, thuhet në përgjigjen e QKUK-së.
Për rastin në fjalë sot kanë dhënë detaje edhe Policia e Kosovës. Policia e Kosovës në raportin 24-orësh ka dhënë detaje shtesë, për tentim grabitjen dhe plagosjen e dy personave te Liqeni i Badovcit.
Kamioneta të cilën e kanë përdorë të dyshuarit është gjetur e djegur në fshatin Parallovë të Gjilanit.
“Fsh. Mramor, Prishtinë 08.03.2021-16:41. Është raportuar se në rrugën magjistrale Gjilan-Prishtinë (fshati Mramor) disa persona të maskuar, të armatosur me armë të gjata me një kamionetë me targa vendore, kishin ndaluar automjetin e kompanisë me të cilin kryhej transporti i parave, në të cilin ndodheshin katër meshkuj kosovarë.
Të dyshuarit kishin gjuajte me armë zjarri në drejtim të viktimave ku si pasoj janë plagosur dy prej viktimave. Viktimat janë dërguar në QKUK për tretman mjekësor. Kamioneta të cilin e kishin përdorë të dyshuarit është gjetur e djegur në fsh. Parallovë të Gjilanit. Në vendin e ngjarjes përveç njësive policore ka dalë edhe prokurori i shtetit, nuk raportohet për të arrestuar, rasti vazhdon të hetohet”. /FaktePlus
Tentim grabitja dhe plagosja në Badovc, gjendet e djegur vetura e të dyshuarve
Plagosja e dy punëtoreve të kompanisë së sigurimeve dhe tentativa për vjedhjen e parave (video)
Dy të plagosur nga automjeti që po kryente transportin e parave
