Nga Johnson tek Trump, kokat e shtetit që ishin skeptikë ndaj COVID-19, por që më pas e pësuan
Kryeministri britanik, Boris Johnson ka qenë sigurisht ai që vuajti më shumë prej COVID-19.
Pas testimit pozitiv më 27 mars, kryeministri britanik u shtrua në spital për disa ditë, në një njësi të kujdesit intensiv në spitalin ”St. Thomas” në Londër.
“Unë rrezikova të vdisja”, pranoi ai më 12 prill.
Një përvojë që ndoshta ndihmoi për të ndryshuar perspektivën e tij, e orientuar në fillim të pandemisë drejt një lloj fatalizmi, me një prirje për teorinë e imunitetit të tufave që do të arrihej nga popullata duke shmangur çdo kufizim.
Trajtimi mjekësor për presidentin brazilian Bolsonaro, i cili mbeti pozitiv nga 7 deri më 25 korrik, ishte më pak i lehtë se sa ai i Johnson.
Bolsonaro që nga fillimi i epidemisë ka eliminuar përdorimin e maskës, pa hequr dorë nga turmat dhe tubimet.
Vlen për t’u përmendur presidenti bjellorus, Aleksander Lukashenko.
Udhëheqësi bjellorus kishte folur për “psikozë” në lidhje me virusin dhe në korrik njoftoi se ai kishte kapërcyer infeksionin “duke qëndruar në këmbë dhe pa simptoma”.
Përveç që nuk kishte vendosur për ndonjë formë bllokimi, vendi i tij ishte i vetmi vend europian që nuk kishte ndërprerë as kampionatin e futbollit dhe nuk kishte mbyllur stadiumet.
Dhe tashmë presidenti i SHBA, Donald Trump dhe bashkëshortja, të cilët sipas mjekëve ndodhen në gjendje të mirë shëndetësore.
Presidenti i SHBA, Donald Trump doli për pak kohë nga spitali ushtarak ”Walter Reed” në bordin e një SUV të blinduar, ku ai është i shtruar për shkak të infektimit me Covid-19, për një vizitë të shkurtër të befasishme tek dhjetëra adhurues që ndodheshin prej të premtes jashtë ndërtesës, pasi mjekët parashikuan daljen e tij të mundshme sot, nëse ai vazhdon të përmirësohet.
Trump falënderoi mbështetësit e tij jashtë spitalit si “patriotë të mëdhenj me flamuj që mbajnë emrin tim, të cilët e duan vendin tonë”.
Presidenti pretendon gjithashtu se e ka marrë mësimin nga koronavirusi.
