Neymari mund ta bllokojë transferimin e Hazardit në Real Madrid
Dy yjet e futbollit, Neymar Jr dhe Eden Hazard nuk shihen si të përshtatshëm dhe Real Madridi raportohet se e ka prioritet brazilianin e Paris Saint-Germainit.
Transferimi i Neymarit mund ta bllokojë çfarëdo mundësie për transferimin e Eden Hazardit në Real Madrid gjatë afatit kalimtar të kësaj vere, raporton Don Balon, transmeton Gazeta Express.
Presidenti i Real Madridit, Florentino Perez, thuhet se e ka prioritet transferimin e yllit të PSG-së në Santiago Bernabeu, pasi që atë e pëlqen më shumë se Hazardit. Për më tepër, Perez beson se këta dy lojtarë nuk përshtaten me njëri-tjetrin.
Kështu që nëse Perez arrin ta kompletojë me sukses transferimin e Neymarit nga gjiganti francez, atëherë Hazardit nuk do t’i jepet mundësia për ta realizuar ëndrrën e tij, të luajë për kampionin evropian.
Kjo mund t’i shkaktojë probleme belgut, i cili javë më parë bëri të ditur se ai e ka marrë një vendim përfundimtar për të ardhmen e tij. Përderisa ai nuk e ka bërë të ditur nëse ka vendosur të largohet apo të qëndrojë në Stamford Bridge, mediat raportojnë se ai e dëshiron transferimin në Spanjë.
Megjithatë, tani transferimi i tij nuk është më vetëm në duart e tij, pasi që Real Madridi e preferon Neymarin. Mirëpo, gjithçka varet edhe nga dëshira e brazilianit, i cili raportohet se e dëshiron edhe kthimin në Barcelonë.