Nesër del autopsia për pesë viktimat e Gjilanit
18/02/2020, 20:29
Drejtori i Institutit të Mjekësisë Ligjore, Arsim Gërxhaliu, ka thënë se është angazhuar i gjithë ekipi për të përfunduar nesër autopsinë e pesë viktimave në Gjilan.
Ai tha se sot që nga marrja e lajmit nga policia kanë dalë në vendin e ngjarjes dhe kanë kryer të gjitha proceset e nevojshme.
“Në orën 13:00 kemi pasë thirrje zyrtare nga policia dhe në orën 14:00 kemi qenë në vendin e ngjarjes deri në orën 19:00 bashkë me Forenzikën. Tash më herët i sollëm në Institutin e Mjekësisë Ligjore”, ka thënë ai për klankosovën.
“Autopsia do të fillojë nesër në mëngjes sepse janë pesë raste, por do t’i kryejmë nesër bashkë me kolegët tonë”, tha ai./FaktePlus
