Në Spitalin e Pejës, 10 pacientë me COVID-19 në gjendje të rëndë
30/07/2020, 9:12
Dhjetë pacientë me COVID-19 në Spitalin e Përgjithshëm në Pejë janë në gjendje të rëndë, është bërë e ditur nga zyrtarët e këtij institucioni shëndetësor.
Sipas njoftimit, në spital po trajtohen 65 pacientë me COVID-19, por 10 prej tyre janë në gjendje të rëndë. Gjithsej, 31 pacientë janë me oksigjeno-terapi.
Ndërkohë, 10 pacientë janë shëruar në 24 orët e fundit.
“Nga personeli i Spitalit, 6 mjekë, 15 infermierë dhe 3 punëtorë të shërbimit teknik janë të infektuar me COVID-19”, thuhet në njoftimin e postuar në Facebook.
