Naim Ismaili: Vota për PDK-në e ruan Kosovën (Video)

Kandidati i Partisë Demokratike të Kosovës (PDK), Naim Ismaili u ka bërë thirrje qytetarëve të vendit që të kenë kujdes më 6 tetor kur të japin votën e tyre.

Ai ka thënë se në ditën e zgjedhjeve duhet pasur kujdes, pasi që vota përcakton se a do të ketë të ardhme Kosova.

“Shumë të nderuar përkrahës, bëni kujdes kur votoni! Duke e votuar Partinë Demokratike të Kosovës, ju e ruani Kosovën dhe siguroni një të ardhme më të mirë për ju, familjet tuaja, gjeneratat e reja dhe vendin tonë”, ka thënë ai.

Naim Ismaili që aktualisht është kryetar i komunës së Shtimës në këto zgjedhje garon në listën e PDK-së për deputet dhe mban numrin 65.