Molliqaj e përsërit: E vërteta po del sheshit, Konjufca ishte në SHIK

Kandidati për deputet nga radhët e PSD-së, Dardan Molliqaj ka përsëritur pretendimet e tij se ajo çfarë kishte thënë qysh më parë për Lëvizjen Vetëvendosje dhe njerëzit e saj ka qenë e vërtetë.

Molliqaj ka theksuar se tashmë e vërteta po del sheshit, si për Glauk Konjufcën që ishte në SHIK, ashtu edhe për Albin Kurtit që mori para nga Devollët.

“Do ta them të vërtetën vazhdimisht, sado e vrazhdë që i duket dikujt. Sepse ata që shpifin e ua mveshin të tjerëve gjërat që i kanë bërë vetë, janë të rrezikshëm për Kosovën… Edhe për Glauk Konjufcën që ishte SHIK, e edhe për Albinin që mori para nga Devollët”, ka shkruar Molliqaj në rrjetin social Facebook.

Ky është postimi i plotë i Molliqajt:

Krejt çfarë kam thënë për VV-në dhe njerëzit e saj ka qenë e vërtetë. Kanë tentuar të shpifin e të shmangen. Në fund as në debate spo dalin. Por e vërteta po iu del sheshit. Edhe për Glauk Konjufcën që ishte SHIK, e edhe për Albinin që mori para nga Devollët.

Do ta them të vërtetën vazhdimisht, sado e vrazhdë që i duket dikujt. Sepse ata që shpifin e ua mveshin të tjerëve gjërat që i kanë bërë vetë, janë të rrezikshëm për Kosovën. E Kosova nuk e ka luksin ta largojë nga pushteti një PDK, për me e sjellë në pushtet një PDK 2.0 (VV).

Kosovës i duhet koalicioni i ynë fitores që guxon të marrë vendime të mëdha dhe ta zhvillojë vendin.